Helisoa
Marobe ny olompirenena mametraka fanontaniana mikasika ny fandaharana MIARAMANONJA hoe, nijanona ve sa misy olana indray no toa tsy mandeha ity fandaharana be mpanaraka ity nandritra ny 2 andro izay?
Nanazava ny depiote Hanitra Razafimanantsoa tao amin’ny pejy fesibokiny fa miato noho ny asa fanatsaràna ny fifandraisana eo amin’ny mpiahino sy mpijery ny tambazotran-tserasera ny tompon’andraikitra amin’izao fotoana izao.
Manome fotoana ny mpanaraka ny fandaharana kosa ny solombavambahoaka Hanitra Razafimanantsoa fa ny alatsinainy 15 martsa ho avy izao dia hitohy indray ny MIARAMANONJA.
