Mifarana ny taona, toa mainty izay jerena,
Fa io mipoitra indray ny aferam-bolamena.
Ny lasa, tsisy tohiny, ny ngeza, tsy voakitika.
Ny hany mba voatana dia tsy iza f’ireo bitika!
Ny momba ireo taloha, naverina va re?
Tsy nandrenesam-peo ny banky foibe.
Ny dikany dia tsotra, navela hiova lasy,
Fa votsotra tanteraka ny haren-dRamalagasy!
Miverina indray ny resaka maloto,
Satria ny fitondrana, voahodidin-jiolahimboto!
Mpibizina no betsaka sy mpiaraka misaosy.
Ny tanjona iombonany dia hoe: “ny hameno paosy”!
Toa tena tsangan’olona ireo olon’ny ladoany,
Hatramin’ireo mpisava sy mpiaro sisintany.
Mibanaka tanteraka ny haren’ny firenena,
Fa sendra izay mpitantana, jiolahy sy tia tena !
Hanampy an`i Kaomoro no eso , vazivazy,
Ka `zao ireo volamena , avela mba ho azy ?
Mihevera ry mpitondra dia fero izay tenenina,
Fa be no tsy voalanja sy efa mampanenina !
DADAN’i ZINA (30-12-21)
