Nangingina teny Ivato tamin’ny andro niverenany.
Tsisy angamba ireo voandalana ka dia menatra ny tenany
Toa tsy nahitan-kabary izay mitory fidedahana,
Lany koa angaha ny lainga sy karazam-pamitahana!
Izao no hevitra mipoitra raha aravona sy adika:
Tsy atokisan’ny mpamatsy intsony ny mpitondrantsika,
Noho ny fomba fitantanana tena tsy mangarahara,
Izay miseho ankehitriny eto Madagasikara!
Dia manampy izany koa ny tsy fisian’ny fahalalahana,
Fa mandeha ny teritery sy karazam-panavahana.
Izay miseho mba manakiana dia indreo fa toa fofoina,
Ka hazaina hatrany hatrany sy mazร na ampanantsoina.
Ny hany mba mahazo sehatra dia ny โvondro-mpisolelakaโ,
Sy ireo nomena โsaosyโ na ireo nahazo โfelakaโ,
Fa ny hafa dia mazร na tena tratry ny antsojain’
Ny tarik’ilay mpampandihy midera tena ho mahay!
โฆHatreto dia ambara tsotra ho mihamaizina ny sary.
Tsy hita izany fidorehitry ny hoe โvolomboasaryโ.
Tsy mamokatra satria voasary mamy no antenaina,
Kanjoโmanga loโ no mihintsana sy mameno zaridaina!
IRINA HO TAFITA (28-02-22)
