Stefa
Mafampana amin’izao fotoana ny eo amin’ny tontolon’ny fampianarana any amin’ny distrikan’i Manandriana faritra Amoron’i Mania, misy ny fitsipahana ny fanalana ny lehiben’ny Cisco any an-toerana. Heverin’ireo manohana ity lehiben’ny fari-piadidian’ny fampiabnarana ity fa nahavita be teo amin’ny sehatry ny fampianarana any an-toerana izy, ka tsy tsapahan’ny any an-toerana ny fanalana azy noho ny resaka politika.
Araka ny vaovao voaray, olona mbola tsy tena mpiasam-panjakana raikitra, tsy manana traikefa loatra amin’izany sehatry ny fanabeazana izany ary voalaza fa efa ratsy fitantanana tamin’ny asany teo aloha, no hasolo ny lehiben’ny fari-piadidian’ny fampianarana miasa ao Ambovombe Centre.
Ny ho lehiben’ny CISCO vaovao dia voalaza fa avy amin’ny TMH, miara-dia amin’ny antokon’ny fitondrana: TGV. Ny mahavariana sy mahatsikaiky amin’ity hetsika any Manandriana ity, tsy misy doro “pneu”, tsy misy sakan-dàlana, fa fiara maty no misakana ny varavaran’ny biraon’ny CISCO, tsy hidiran’izay ho sefo CISCO vaovao.
