Nangonin’i Stefa
Nanao fanambarana ny Diaspora Malagasy atsy La Reunion mahakasika ny fanomanana fifidianana eto amintsika:
”Izahay olom-pirenena manaja ny demokrasia eto La Réunion dia manohana tanteraka ny fanambarana nataon’ny fiarahamonim- pirenena mahakasika ny resaka « jugements supplétifs », na fanaovana kopia sy karapanondrom-pirenena maimaimpoana faobe, kasain’ny Fanjakana atao mialohan’ny fifidianana.
Hita taratra tokoa fa fikarakarana hala-bato no tanjona tian’ny Fanjakana hahatongavana, ka ho krizy indray no haterak’izany.
Manoloana ny savorovoro maro samihafa, dia tsy misy afa-tsy ny fikaonandoham-pirenena, handraisan’ny rehetra anjara, no vahaolana hitondra fitoniana eto amin’ny Firenena.
Manainga ny fitondram-panjakana, mba tsy hanao be marenina, ary mba hijery
ny tombontsoa iombonan’ny Malagasy, fa tsy ny tombon-tsoan’olom-bitsy no jeren’izy ireo.
Miantso ny FFKM sy ireo mpanelanenana rehetra, mba hijoro ho Ray amandreny azo itokisana, ka hanao izay hirosoana amin’ny fifidianana mangarahara eken’ny rehetra.”
