Isambilo
Naneho hevitra momba ny fifidianana sy ny fifidianana filohampirenena ho avy eto amintsika, hatao amin’ity taona ity, Me Eloi Ratefimahefamijoro, mpikambana amin’ny birao politikan’ny antoko Tiako i Madagasikara (TIM). Nambarany, fa: mitaky ny hanatsaràna ny lalàm-pifidianana 2018-008 ny antoko Tiako i Madagasikara, mba hanànana fifidianana madio sy eken’ny rehetra, teboka 3 monja no hasiana fanitsiana :
– Ny momba ny « Plafonnement des dépenses de campagne », (famerana ny fandaniam-bola amin’ny propagandy), mba hampitovy tàntana ny kandida rehetra amin’ny fahalaniany na ny ” égalité de chance d’être élu “.
– Ny momba ny « Commission de contrôle de financement de la vie politique », (vaomiera hanara-maso ny famatsiam-bolan’ny tontolo politika), mba ho « contrôle simultané », ka ho afaka avy hatrany hanao ny fitsirihina mialoha sy mandritra ny fampielezan-kevitra mahakasika ireo fandikan-dalàna rehetra mety ho hitany, sy ny fampanarahan-dalàna ny kandida mihoa-pefy.
– Ny fanendrena ny « membre de bureau de vote », (mpikambana amin’ny birao fandatsaham-bato), mba ho 3 na 2 volana mialoha no voatendry, ary manana ny fetram-pahalalàna takian’izany.
