Rehefa mpitondra no tsy ampy solaitra
Dia tsy afa-misondrotra ny firenena,
Fa ny azy ny maika dia ny haitraitra
Sy ny rendrarendra fandrebirebena.
Izay hoe fampianarana dia tsy taranjany.
(Ny olo-mahay aza dia fahavalony!)
Vola sy harena no heveriny ho tanjany.
Ireo no hirahira ary koa tononkalony!
Izay hanabe anβiretsy vahoaka
Dia zavatra toa tsy ampiasΓ ny ny sainy.
Ny lainga sy fitaka be mipoapoaka
No tena ankafiziny sy tena hainy!
Rehefa mpitondra no tsy ampy solaitra,
Dia ny herinβny vatany no arangarangany.
Angamba fiadiana lazainy ho mandaitra
Ny bika ary koa ny halavΓ nβny sangany!
Rehefa mpitondra no tsy ampy solaitra,
Dia tia dehadehaka be toy ny gisa.
Heveriny fβizy no tsara sy raitra,
Kinanjo dia βaotraβ, tsy mahay manisa!
Rehefa mpitondra no tsy ampy solaitra,
Tsy misy mamiratra ireo hojerena.
Vao mainka ho mangidy sy tena mafaitra
Ny zavatra hanjo anβity firenena!
DADANβi ZINA (21-03-23)
