Ny Valosoa
Araka ny fivoriana natao ny 21 Febroary 2023 dia tapaka fa nitambatra ho vondrona iray antsoina hoe G5 ireto vondrona politika ireto: RMDM, HIFIM, PANORAMA, DPHM, HVM.
Toy izao ny fomba fijery itambarana:
1- manaiky ny G5 fa ny vahoaka malagasy no masi-mandidy sy tompon’ny fahefana eto amin’ny firenena arak any rafitra repoblika demokratika;
2- tsy maintsy tanterahina amin’ity taona 2023 ity ny fifidianana filoham-pirenena ho fanajana ny Lalampanorenana;
3- mialoha izany anefa dia tsy maintsy tanterahina ny fikaonandoham-pirenena andraisan’ny rehetra anjara handinihana sy hitadiavam-bahaolana ireto manaraka ireto: lalam-pifidianana, lisi-pifidianana ary ireo rafitra mikarakara ny fifidianana eken’ny rehetra, CENI, HCC, mba ho vahaolana;
4- handinihana ny ho fanarenana ny firenena izay latsaka lalina anaty fahantrana sy krizy lalipaka miverimberina.
Noho izany:
1- miantso ny fitondram-panjakana mba handray ny andraikitra tandrify azy araka ny voalazan’ny Lalampanorenana araka ny voalaza ao amin’ny andininy faha-61;
2- miantso ireo ray amandreny ara-panahy sy ara-drazana mba hijoro ho mpanelanelana;
3- miantso ny hery velona rehetra sy ny vahoaka malagasy mba hanambatra ny hery handray an-tanana ny hoavin’ny firenena sy ny taranaka fara aman-dimby;
4- miantso ireo vondrona iraisampirenena hanolo-tanana hahatongavana amin’ny tanjona iombonana hisian’ny fitoniana.
Antsoina araka izany ny hery velona rehetra eto amin’ny firenena, ny vahoaka malagasy mba hiaraka hifandinika an-databatra boribory amahantsika an’izao krizy misy eto amin’ny firenentsika izao.
Natao teto Antananarivo, ny zoma faha-31 martsa 2023
(FB Arphine Rahelisoa https://www.facebook.com/story.php?story_fbid=pfbid027dYZUphdUMGP4hpbxEiK6asRMoT6faV6aMcfgG2vkT7QU9n3VzpiR4dSxMHEKyMBl&id=100022624896995)
