Hisy maromaro indray no hakarina ho jeneraly,
Fa izay ilay tetikady fanambazana bebaoty?
Aminβizay mba mihiratriratra ary koa mba falifaly,
Fa matetika no efa mila handatsaka an-kilaoty?
Ireo hatrany no vatsiana, ireo hatrany no tohanana,
Fa ny tetika dia tsotra: mihevitra hanamafy toerana?
Ireo no tena ianteherana ao anaty fifidianana,
Raha vao mihetsika mahery ny ao anaty fanoherana?
Fβefa nisy ve mpitondra sahy nilaza, nanambara
Hoe nahery noho ilay izy nanan-jeneraly maro?
Toa tsy izany velively raha zohina ny tantara:
Ny vahoaka raha mitroatra, tsy hay tohaina ka fantaro!
β¦Hisy maromaro indray ireo hakarina girady,
Fβefa izany, tena izany no hany sisa bala farany .
Toy ny marika mitory fβefa tena resy anβady
Ity ilay tsy nahay nitondra, ka hanipika ny anarany!
DADANβi ZINA (29-03-23)
