Isambilo
Nanome fanampiana an’i Ninie Donia ny Vehivavy TIM Analamanga tarihan’ny filohany, Arphine Rahelisoa omaly. Izany fanampiana izany dia nalefa tamin’ny alalan’ny Mobile Money any amin’ny filohan’ny Vehivavy TIM Nosy-Be faritra Diana, Ramatoa Marie Anne.
Ny 20 mey lasa teo, nanao hetsika ho fitadiavam-bola ny Vehivavy TIM Analamanga, tetsy amin’ny Espace Dera Tsiadana hoentiny miasa, sy ho fanomanana ihany koa ny kongresy nasionalin’ny antoko TIM, hatao ny 1 jolay ho avy izao. Nandritra io fotoana io, nanao téléthon na tsipaipaika ho fanampiana an’i Ninie Donia koa ireto andriambavilanitry ny antoko Tiako i Madagasikara ireto, ka naha voaangona 300.000 Ar nandritra izany, ka io no natolotra an’i Ninie Donia izao, izay migadra tsy ara-drariny noho ny resaka politika any amin’ny fonjan’i Nosy-Be.
Araka ny nambaran’ny filohan’ny Vehivavy TIM Analamanga ihany, mbola hitohy izao tolo-tanana ataon’izy ireo ho an’i Ninie izao.
