Stefa
Miseho lany amin’izao fotoana ny tsy fandriampahalemana, any Ankilivalo distrikan’i Mahabo any amin’ny faritra Menabe. Nidiran’ny dahalo tao amin’ity tanànan’Ankilivalo ity, omaly alarobia 22 Novambra tokony ho tamin’ny 3 ora maraina. Mahery ny 100 ny omby ravan’ireo dahalo tamin’ity toerana ity. Tsy vitan’izay ihany koa fa Vehivavy am-polony avy amin’io toerana io, no mbola nataon’ireo dahalo ireo takalon’aina, nalainy an-keriny. Efa manao ny fanarahan-dia ankehitriny ny fokonolona sy ny mpitandro filaminana any an-toerana.
