Niaina
Tapaka ny lalana teo Ambohidahy manodidina ny HCC: fitsarana avo momba ny lalampanorenana omaly, noho ny famoahana ny vokatra ofisialin’ny sarintsarim-pifidianana natao teto amintsika ny 16 novambra lasa teo. Ny tahotra no lehibe indrindra, nahatonga ny tompon’andraikitra nanapaka izany lalana izany hoy ny mpanara-baovao maro, tahotra ny hisian’ny hetsika ho fanoherana izany sarintsarim-pifidianana izany sy ny vokany.
Noho ny tsy fahatomombanana sy ny hosoka tamin’iny fifidianana iny, tsy vitsy ireo milaza ny tokony hanafoanana iny fifidianana iny. Niteraka fitohanana goavana tamina toerana maro teto an-drenivohitra anefa izany fahatapahan-dalana teo Ambohidahy izany: toy ny teny Andavamamba, Ampefiloha, Anosy, Anosibe, Ankadimbahoaka, Ambohijatovo. Nitombo vokatr’izany ny fandaniana solika, ho an’ny mpitatitra sy ny mpampiasa fiara.
