Ny Fikambanana ‘Ravao io Colisée io’
Misaotra sy mankasitraka ireo rehetra namaly ny antso ‘Ravao io Colisée io’ teo anoloan’ny ambasady malagasy tao Paris.
Tafatsangana androany faha-4 Jolay ny biraon’ny fikambanana entina manohy izany hetsika izany.
Raha nanontaniana ny hevitry ny mpahay lalàna Alezra Georges dia izao no nambarany raha atao dikanteny malalaka: “Tsy nisy ny fifampiresehana na teo anivon’ny vahoaka, na teo anivon’ny antenimierampirenena mikasika ny fanovàna ny endriky ny vako-pirenena. Ovaina araka izany ny tantara malagasy, kanefa tsy an’olon-tokana ny tantara ary tsy azo ovaina. Izany dia manome rariny sy lanjany ny fikambanana hijoro amin’ny fitakiana ataony”.
“La modification apportée à un monument national n’a pas été l’objet d’un débat à l’intérieur du peuple, ni au sein de l’Assemblée Nationale malgache. On a apporté une modification à l’histoire malgache alors que l’histoire n’appartient à personne, et on ne doit pas y toucher. Cela donne plus de droit à l’association d’intervenir.”
Isaorana manokana ity mpahay lalàna amin’ny teny sy hevitra nentiny ary fanohanana amin’ny izao hetsiky ny olompirenena malagasy izao, mitaky ny fanajàna ny vako-pirenena.
Ny vaovao dia ampitaina amin’ny rehetra ihany amin’ny alalan’ny tambazotra serasera. Azo atao koa ny mifandray avy hatrany amin’ny tompon’andraikitra, dia i Ralimo amin’ny laharana 01.74.34.99.11 na 06.25.79.03.98.
