Isambilo
Manoloana ny tsy fahombiazan’ny fitondrana Rajoelina amin’ny fitantanana ny ady amin’ny valanaretina coronavirus amin’izao fotoana, naneho hevitra mahakasika izany ny depioten’i Madagasikara avy amin’ny antoko Tiako i Madagasikara, voafidy tao amin’ny Boriboritany faha-6, Todisoa Andriamampandry. Tsy mahomby izao fitondram-panjakana izao hoy izy, noho izany, tokony ho ravana ny governemanta tarihan’ny Praiministra Ntsay Christian io.
Raha ny fanehoan-kevitra avy amin’ny olona maro anefa amin’izao fotoana, tsy ny governemanta ihany no tokony hoesorina, fa ny filoha Andry Rajoelina mihitsy no tokony hametra-pialana, fa izy lohany mihitsy no matsatso, na hoe tsy mamely mihitsy no tena azo ilazana azy.
