Isambilo
Vokatry ny fifanosehana tao amin’ny fidirana ny kianja Barea Mahamasina ny zoma teo, ka nahafatesana olona 13 ary naharatrana olona hatramin’ny 80, tsy nanadino ireo niharam-boina ny filoha Marc Ravalomanana, filoha nasionalin’ny antoko Tiako i Madagasikara TIM.
Vao nandre ny loza izy sy ny mpiara-miasa aminy akaiky dia nidodododo nijery ireo niharam-boina sy ny fianakaviany tao amin’ny Hopitaly HJRA Ampefiloha ny sabotsy vao maraina lasa teo. Nampahery sy nitondra izay voatsirambin’ny tanana ho an’ny fianakavian’ireo niharam-boina izy nandritra izany, nankahery sy nitondra solon-dranomboankazo ary nividy fanafody ihany koa ho an’ireo marary mbola notsaboina tao.
Amin’ny maha ray aman-dreny azy eto amin’ny firenena, no nanaovan’ny filoha Marc Ravalomanana izao voin-kava-mahatratra izao. Nanotrona azy tamin’izany ny depiote voafidy tao amin’ny Boriboritany faha-6 avy amin’ny antoko TIM Todisoa Andriamampandry, sy ny mpikambana ao amin’ny birao politikan’ny antoko Julien Andriamorasata.
