Jiron’akoho indray no hamalifaliana
Ireo sarangan’olona izay novidiana?
Fa angaha dia tsy misy ry filoha vazaha
Ilay mba « jirom-bazaha » ho anay mponina an-tsaha?
Ny anarany ihany dia efa azo adika
Fa jiron’akoho ka tsy mendrika antsika!
Mba « jiro vazaha » toa anao no zarao
Dia ho faly ny « pokona » hanohana anao!
Ny jiron’akoho, vonjy poritra ihany.
Tsy dia mba mamiratra raha ny hazavany,
Ka aleo hiakatrakatra ny kalitao
Ary « jiro vazaha » re no andeha mba zarao!
…Ny mpitondra lazaina ho « mahavita azy »
Dia izay manafoana ny delestazy,
Mitondra hazavana tsy laitra resena,
Ka tena hampandroso an’ity firenena!
TSIMIMALO (09-12-23)
